Zulum ya nada Dlakwa mukaddashin shugaban Jami’ar Jihar Borno

Gwamnan Borno, Babagana Zulum, ya amince da nadin Farfesa Haruna Dantoro Dlakwa a matsayin shugaban riko na Jami’ar Jihar Borno da ke Maiduguri.

Nadin Dlakwa na kunshe ne a cikin wata sanarwa daga sakataren gwamnatin jihar Borno, Bukar Tijjani, a ranar Laraba.

Sanarwar ta ce amincewar Zulum ya biyo bayan shawarar da majalisar gudanarwar jami’ar ta bayar ne, bayan taronta na 10 da aka gudanar a ranar 15 ga Afrilu, 2024.

Kafin nadin nasa, Farfesa Dlakwa shi ne mataimakin shugaban jami’ar a bangaren ilimi.

• An rufe cocina 3 kan damun jama’a da kara
• Emefiele Ya Kashe N18.9bn Kan Buga Sabbin N684.5m —EFCC

Gwamna Zulum ya taya shi murna tare da fatan alheri zuwa lokacin da za a nada shguaban jami’ar.