Adnan matashin dan siyasa ne kuma dan gwagwarmaya, wanda ya yi ƙaurin suna a Soshiyal Midiya.
Ya ce ba zai taba mantawa ba da yadda waɗanda ya ɗauka masoyansa ne suka riƙa murna kan faɗuwarsa a zaben fidda gwani gabanin Zaɓen 2023.
Kazalika, Adnan ya ce ya gano cewar burinsa ba zai cika ba idan ya tsaya a tafiyar Kwankwasiyya, saboda ita daman siyasa kasuwar buƙata ce.
A gefe guda kuma, ya ce ya ɗauki darasi a tafiyar siyasa da ya yi, kuma zai gyara wuraren da ya samu kuskure domin cikar burinsa a gaba.
Kalli hirar da shirin Taurarin Zamani ya yi da shi don ganin yadda ta kaya.
