Sojoji sun harbe ’yan bindiga uku tare da kama wasu shida a kauyen Kohoto da ke kusa da Janjala a Karamar Hukumar Kagarko ta Jihar Kaduna.
Wani mazaunin Janjala, Abdullahi Zayyanu, ya ce harbin tare da kame wadanda ake zargin ya biyo bayan kama shugabansu, Mu’azu Baushe a Kagarko a makon jiya.
- DAGA LARABA: Da Gaske Shan Garin Kwaki Na Kashe Ido?
- Ba za mu yafe jinin masu Mauludi da sojoji suka kashe ba —Sheikh Jingir
Ya bayyana cewa, “Mu’azu, wanda ake kira da Baushe, ya je kasuwar Kagarko a makon da ya gabata domin saya wa mutanensa kayan abinci da kayan shaye-shaye, aka sanar da sojoji, suka je suka kama shi.”
’Yan bindiga dai sun addabi al’ummar yankunan Akoti, Gundiri, Taka-Lafiya, Sadauna, Dutse da Janjala a Karamar Hukumar Kagarko.
Sai dai babu wani martani daga kakakin rundunar ’yan sandan Jihar Kaduna kan wannan cigaban.
