Babbar Kotun Jihar Kwara ta yanke wa wani mutum, Mohammed Kazeem Beiwa hukuncin kisa saboda kashe makwabcinsa, Olokose Ojo Olushola.
Kotun, wacce ke zamanta a Ilorin, babban birnin Jihar, a ranar Alhamis ta ya ke hukuncin ne saboda ta ce Mohammed ya kashe Olokose ’yan kwanakin kafin ranar cikinsa a 2021.
- Yanzu-Yanzu: Ganduje ya zama shugaban APC
- Nijar: Amurka da Birtaniya za su rufe ofisoshin jakadancinsu
Alkalin kotun, Mai Shari’a S.M. Akanbi, ya kuma yanke hukuncin daurin shekara 10 da biyan tarar Naira dubu 100 ga sauran mutum biyun da suka hada baki da wanda ya yi kisan, Madu Jeremiah da Mohammed Chatta.
Sai dai kotun ta saki mutum na hudu da ake zargi saboda gamsasshiyar hujjar da za ta nuna akwai hannunsa a ciki.
Lauyoyi masu shigar da kara karkashin jagorancin Babban Lauya Jihar kuma Kwamishinan Shari’a Ibrahim Sulyman, Mohammed ya sace marigarin ya boye shi a gidansa, daga bisani kuma ya kashe shi.
Lauyan ya kuma ce mutumin bayan ya sace marigayin ya kashe shi ya kuma yi gunduwa-gunduwa da ita, sai ya nemi kudin fansa duk da ya san ya riga ya kashe shi.
Masu shigar da karar dai sun gabatar da shaidu tara da kuma hujjoji masu yawa a gaban kotun.
Da yake yanke hukuncin, Mai Shari’a Akanbi ya ce kotun ta samu mutum uku na farko da ake zargin sannan ta wanke na hudu.
