Rundunar ’yan sandan Kano ta lallasa ’yan masana’antar fina-finai ta Kannywood a wasan sada zumunta da suka fafata ranar Alhamis.
Cikin wani sako da mai magana da yawun rundunar ’yan sandan Kano, Abdullahi Haruna Kiyawa ya wallafa a shafinsa na Facebook, ya ce sun lallasa ’yan Kannywood din da ci 4-0 a wasan da kece-raini a filin wasa na Sani Abacha.
- Na ji dadi da tafiyar Maguire zuwa West Ham ta samu tangarda — Ten Hag
- Romeo Lavia ya koma Chelsea daga Southampton
Kiyawa ya ce wasan ya samu halartar kwamishinan ’yan sandan jihar Muhammed Usaini Gumel da sauran manyan taurarin Kannywood.
Hukumar ƴan sandan ta shirya wasan ne domin karfafa zumunci tsakaninsu da taurarin na Kannywood.
Kafin wannan wasa, ’yan sandan sun kuma fafata da kungiyar ’yan TikTok a Kano da kuma ta tubabbun ’yan daba, inda suka samu nasarar duka wasannin.
