’Yan bindiga sun yi garkuwa da Shugaban Karamar Hukumar Iganna da ke Jihar Oyo, Olayiwola Adeleke tare da direbansa a ranar Lahadi.
Shugaban Karamar Hukumar na tafiya ne a kan hanyar Okeho-Ado Awaye ta zuwa Ibadan don ganawa da Gwamna Seyi Makinde lokacin ’yan bindigar suka sace shi.
- Buratai na ganawar sirri da kwamandojin soji
- Abin da ya sa muka boye kayan tallafi —Gwamnoni
- ‘Gwamnati ba ta ce gwamnoni su boye kayan tallafi a rumbuna ba’
Kakakin Rundunar ’Yan Sandan Jihar Oyo, Olugbenga Fadeyi, ya ya ce, “Bayanan da na samu sun nuna an sace shi ne a kan hanyar Ado Awaye-Iseyin.
“Ana ci gaba da kokarin ganin an sake shi tare da cafke masu laifin”, inji shi.
Da aka tuntube shi, Shugaban kungiyar OPC a jihar, Mista Rotimi Olumo, ya ’yan bindida sun yi garkuwa da Mista Adele ne a yankin Iseyi-Okeho.
Ya ce, “Na kira mutanena kuma sun ce sun fara bincika dazukan da ke yankin don neman shi”
