Akalla dakarun soji bakwai ne suka rasa rayukansu a wani harin da ’yan bindiga suka kai a Jihar Katsina.
An rawaito cewa an kashe dakarun sojin ne a kauyen Kadobe da ke da tazarar kilomita hudu da kauyen Kukar Babangida a Karamar Hukumar Jibiya a jihar Katsina.
- Buhari ya sake sabunta wa’adin shugabannin JAMB da NUC da UBEC
- Ba mu amince da dakatar da Abba Kyari ba —Sheikh Jingir
Dakarun sojin sun bi bayan ’yan bindiga ne bayan sun yi fashin wasu dabobbi a wasu kauyuka na Najeriya kuma suka yi yunkurin tsallake iyakar Najeriya da su.
Wani mazaunin yankin ya ce har yanzu ba a san adadin sojojin da suka mutu a dalilin harin ba.
“Mun gano cewa da ’yan bindiga da su fasin sun fahimci cewa sojoji na bin su sai suka yi kwanton-bauna suka bude musu wuta suka kashe bakwai daga cikin sojojin.
“Wadanda ba a kashe ba sun nemi karin dakaru, kuma sun bi bayan ’yan bindigar amma har yanzu ba mu da masaniyar abin da ya faru,” a cewarsa.
