An cafke wata matar aure da take kai ’ya’yan cikinta da na ’yan uwanta wurin ’yan bindiga a cikin daji inda suke yin lalata da su.
Matar ta bayyana yadda take kai wa ’yan bindiga ’ya’yan nata da ’ya’yan ’yan uwanta ne bayan da rundunar ’yan sanda ta musamman kan yaki da ’yan fashin daji da ’yan ta’adda sun samu nasarar cafke ta tana tsaka da wannan aika-aika.
- ’Yan damfara sun kirkiro shafin karya na ‘Daily Trust Hausa’
- Ba da belin masu garkuwa na firgita mu — Mutanen Zariya
Wakilinmu ya ruwaito cewa matar tana yi wa ’yan bindigar safarar ’yan mata zuwa Dajin Galadimawa ana aikata alfasha da su.
Rundunar ’yan sandan ta IRT wadda Babban Sufeton ’Yan Sandan Najeriya ya kafa, ta titsiye matar inda ta bayyana yadda son zuciya ya rufe mata idanu ta shiga wannan harka.
