✕ CLOSE Noma Da Kiwo Hotuna Kiwon Lafiya Girke-Girke Sana'o'i Kimiyya da Kere-Kere Ra'ayin Aminiya Ra’ayoyi Rahoto
Click Here To Listen To Trust Radio Live

Tsohon Shugaban Pakistan, Pervez Musharraf ya rasu

Musharraf da ke gudun neman mafakar siyasa a Dubai ya rasu ne a ranar Lahadi a wani asibitin, yana da shekara 79.

Allah Ya yi wa tsohon Shugaban Kasar Pakistan na mulkin soji, Janar Pervez Musharraf, rasuwa.

Musharraf da ke gudun neman mafakar siyasa a Dubai, ya rasu ne a ranar Lahadi a wani asibitin, yana da shekara 79.

 

Hukumomin kasar sun ce Musharraf, wanda ya kasance na hannun Amurka wajen yaki da ta’addanci a yankin Asiya ya rasu ne bayan fama da jinya.

A shekarar 1999 Mista Pervez Musharraf ya kwace mulki cikin ruwan sanyi, inda kuma ya ci gaba aiki a matsayin Shugaban Kasa da kuma Babban Hafsan Rundunar Sojin Kasa ta Pakistan.Sau biyu Janar Pervez Musharraf ke jingine kundin tsarin mulki kuma ana zargin sa da murdiya a zaben raba gardama domin dawo da mulkinsa.Ana kuma zargin sa da yaushe hakki da kuma tsare ’yan adawa.

Amma duk da haka ya zama babban abokin Amurka a yankin Asiya a lokacin da Amurkar ta mamaye Afghanistan a shekarun 2011 domin yakar Taliban.

Matakin nasa ya haifar da rikici tsakaninsa da mayakan Islama, inda a lokuta da dama aka nemi hallaka shi.

Hakan kuma ya sa Pakistan ta samu tagomashin tallafi daga kasashen waje, lamarin da ya bunkasa tattalin arzikinta.

Wani masani ya ce, “Za a rika tunawa da Musharraf a matsayin shugaban kasa da ya jagoranci Pakistan a cikin mawuyacin hali.

“Shigar gwamantin Pakistan yaki da ta’addanci a zame mata…’” in ji shi a hirarsu da AFP.