Sojoji daga rundunar Operation Hadarin Daji sun kashe ’yan bindiga biyu tare da raunata wasu a babbar hanyar Kaduna-Abuja ranar Lahadi.
Jami’in samar da bayanai na Hedikwatar Tsaro ta Kasa, Manjo Janar John Enenche, ya ce hakan na daga cikin nasararorin da ake samu a kokarin kakkabe ’yan bindiga, masu garkuwa da mutane da sauran laifuffuka a yankin.
- Sojoji sun ragargaji ‘yan bindiga a dazukan Kaduna
- Boko Haram: Akwai ayar tambaya tsakanin gwamnati da jami’an tsaro – Dattawan Arewa
- Me ya sa Boko Haram ke hakon Gwamna Zulum?
- An cafke matar da ta kashe ’ya’yanta 2 a Kano
“A sakamakon ba-ta-kashin kuma, mun sami nasarar kwace wasu bindigogi guda biyu kirar gida.
“Yanzu haka dakarunmu na ci gaba da sintiri a yankin domin hana ’yan bindigar sakat nan gaba,” inji Enenche.
Ya ce sun samu galaba kan ’yan bindigar ne saboda karfin makamansu da kuma kwarewa inda suka kashe biyu daga cikinsu yayin da wasu kuma suka tsere da raunuka a jikinsu.
