Bututun baje batutuwan balaguron Baban-burin-huriyya, ta yiwu lamarin har ya baibaye bakunan Birtaniyawan Ce-ce-ku-ce da daukacin kafofin kwakwazo da watsattaken baje bayanai, domin sun ruwaito yadda Baban Haurobiyawa ya shige shigifar Lungunan lokon luguden logar luggar Larabcin Larabawa, inda suka tafka takaddamar tantance torokon tattali tuli-tuli na kasashen yankin Arewacin Ifirikiyya da Gabahin tsukukun tsakiyar duniya.
A wajen taron tu’ammalin tunkude tawayar tarayyar tarairayar tattara tarin dukiya, Baban-burin-huriyya ya yi bayanin yadda tasgaron tuma-dugayyan tsugudidin tsangwamar tashin-tashinar da ya yi wa nahiyarmu sasari. Kuma ya ankarar da al’umma yadda kaurar kundunbalar tumurmutsin tattakin tururwar Turai ke kasura, al’amarin da ya alakanta da JUHALA, tare da nuna ko-in-kula wajen tabbatar da ADALA.
Bisa lalurar lurar la’akarin laftun luggogin lamuran da aka tattauna, mun fasko cewa, matukar ba a yi yunkurin warware tsilli-tsillin matsalolin da suka addabin wannan nahiya ba, musamman kasar Haurobiya, to muna da tabbacin cewa za a jefa azargagiyar zarge-zargen tuhuma da alamar tambaya ga hukumomi kan cewa ko dai taron su Baba ya zamo na SHELAR SHATALE-TALEN SHANTAKEWAR SHIGEWA SHIGIFAR SHAGALAR SHAN SHAYI?
A makonnin dai da suka wuccike ne wadansu suka yi tambadar takarkarewar ta’azzara takura tattakin tunkarar turka-turka, inda suka soki lamirin shatale-talen da Baban-burin-huriyya ya yi wa kasashen Larabawa, ganin yadda ya fara watayawa daga kasashen Arewacin Ifirikiyya ba waiwaye har sai da ya dangana da Gabashin Tsakiyar duniya. Wannan lamari dai ya auku ne sanadiyyar goron gayyatar taron tulin tattalin turakar tarin tunkude talauci a fadin duniya da aka ingizo masa da shi. Ba tare da la’akari da wannan goriyar goron gayyata ba, wai sai azargagiyar zargi ake ta zargawa da SHELAR SHATALE-TALEN SHANTAKEWAR SHAN SHAYI kan Baba.
Masu azargagiyar zargi dai suna tsuwurwurta tsokale-tsokalen tsokacinsu ne bisa la’akari da cewa Larabawa sun saba da gangamin gamayyar kwankwadar modar shayi, shi ya sa suke ganin ko dai Baba ya je ne shi ma ya kona makoshi, musamman ganin cewa daidai lokacin da ya yi balaguronsa aka afka zullumin zaluncin zalamar zullon zabarin zinarun Zaman-fara. Amsar da dai na ba su ita ce, DAGAR DUMUINIYAR DAMBARWAR DANDAZON DUBE-DUBEN DANNIYAR DABEN DUBAN DUBAI DAGA DABAI.
Ganin irin tasgaron takurawar tuma-dugayyan da masu shaci-fadi ke yadawa shi ya sa muka yunkura wajen kawo batutuwan da Baban-burin-huriyya ya baje a wajen taron hadin guiwar karfen karafan Larabawan Ifirikiyya da na Gabashin Tsakiyar Duniya.
Shugaban Haurobiya, Baban-burin-huriyya a shigifar taron tuttula tulin tattali na farfajiyar fadin duniya, kan Arewacin Ifirikiyya da Gabashin Tsakiyar Duniya, ya baje batutuwa kan takaddamar tashintashina a wannan yanki na duniya mai dimbin albarkatu, amma rigingimu sun yi masa katututu.
Haurobiyawan shagali masu aiki da hankali da ba sa son daukar dukiya a yi ta fatali, sai dai aikin datse kawunan wahalhalu da kansakali, lallai ya kamata ku fasko cewa gayyatar Baban-burin-huriyya taron tattauna tuli-tulin tattalin Larabawa ba wani ruguntsumin bikin shantakewar shiga shigifar shelar shagali ba ce, illa dai kawai ta bijiro ne daidai lokacin da ake fama da tashin-tashina a sassan Arewatawan Haurobiya, musamman wadda ta fi tayar da hankula da tsananin tsangwamar tsugudidin tsokale-tsokalen tsunkula, ita ce ta Jihar Zaman-fara, wadda ta rikide zuwa Jihar Zaman-Fargaba.
Yadda dai wadansu ke kallon lamarin a iya cewa, fahimtarsu game da batutuwan balaguron Baban-burin-juriyya, ita ce shiga shigifar shelar shammatar shan shayin shagala a gundumar gudunmuwar gutsire gafala domin dumuiniyar durfafar danne dafdala, inda aka yi ta tsuwurwurta Carin cakwaikwaiwar carkin cilkowar cika-cikin cokalin cabin cabalbala, tare da karafkiyar kwakwazon kalle-kalle kan kowa-da-kowa ko kun kula.
’Yan makaranta idan kuka bijiro mini da tambaya kan Batutuwan balaguron Baban-burin-huriyya, sai in dan firgita ku da cewa NA-MUJIYAR MATAMBAYIN NAN MALAM TAMBAI, ko ma in hada da matar nan da ake yi wa lakabi da TAMBAYA, domin ni amsata, ita ce, DAMBACEWAR DUBE-DUBEN DAFDALAR DALOLIN DUMUINIYAR DUBAI DAGA DABAI.
Abin da ya sanya na bijiro da wannan babban martani ga daukacin masu koyi-ka-koyar a salon watsattsaken falle shafukan mujallu da makalu a farfajiyar Dodorido da ke cikin Amintacciyar jaridar Haurobiya, shi ne ya kamata a ce bakinku alekum, ku yi gum, ku yi bakam, ku yasar da masu fafatawar jefa al’umma jangwam, don gudun kada su yi galaba wajen sanya Haurobiyawa su yi jugum-jugum, tare da jimami jim. Kuma wannan amsar tawa za ta nusar da masu hankoron kara bijiro mini da tambaya kan cewa ko Baban-burin-huriyya ya yi Shelar shalelen shangululun Shantakewar shigewa shigifar shan shayin shagala?
Babban batun bajewa shi ne lallai idan Baba zai kara yin balaguro irin wannan akwai matsananciyar bukatar ganin ya fifita dabarbarun warware awarwaron kawanyar da fitintinu suka yi wa kasar nan tun bayan dawowar mulkin dama-damar-kurda-kurdar siyasar damon-kurar-diyya a tsakanin shekarun alif sili da manuniyar kasa da ta kasa da ta kasa, har zuwa wannan shekara ta dubu karamin lauje da sili da manuniyar kasa, inda ya sake darewa karagar jan ragamar Haurobiya a karo na karamin lauje, wato zangon sabon wani wa’adi, inda zai yi ta fafutikar fatattakar masu kulla kaidi don al’ummar kasa su ji dadin dadadawa ba adadi. Sannan ya yi kwance-kwance wajen kwatanta irin jimamin jimurdar jama’ar jamhuriyoyi kan ko Haurobiya na ja-in-ja da ire-irensu, ta yadda za a yi kama-kama, wajen laluben makama, a yi aiki girma-girma, har a cukwikuye matsaloli a cikin tsumma.
Lallai ya kamata kowa ya fasko cewa su kansu Larabawan Duniya sun tsahirta da taron shantakewar shan shayi, illa`dai kawai dan abin da ba a rasa ba. Inma kun ji sun furta cewa ISSHARABUS SHAYI au URIDU FINJAHI GAHAWA (a sha shayi ko ina bukatar modar gahawa), ai kawai za a samu ruwan bunu ne a kwankwada don karfafa karfin jiki, a samu kwazon aiki.
Hakika an fara kyallaro hasken Some-somen samuwar Salamar sallamar sallamawar Salalar sahalewar Sulbin sululun sollewar Sabulun salon sassabewa.
Haurobiyawa, Mu kyautata zamantakewa, mu yasar da zaman-tattakewa sai tattalinmu ya zam na kowa-da-kowa, ta yadda ba hadama balle kokowa; don haka mu fasko cewa, Kwashi-kwaraf da dukiya na cutarwa. Kuma mu kara himma da kwazo wajen Shelar shammatar shan shayin shagala a gundumar gudunmuwar gutsire gafala da dumuiniyar durfafar danne dafdala a carin cakwaikwaiwar cabin cabalbala, ba tare da Karafkiyar kwakwazon kalle-kalle ko kun kula. ’Yan makaranta mu yi karatun ta-natsu dalla-dalla, ta yadda za a tattara hankula da hada karfin karafa wajen cin dunun masu kulla wa kasar nan kutungwila.
