’Yan hayis
An yi kurmusu kurmus
Jikin jama’a ya yi likis
An jikkata majiyata sun yi lakwas
Kulawar uwar jiki ta sha kwas-kwas
Bokan Turai yai biris
Jami’an jigata jama’a an yi kicibis
Sun wanke mu tatas
Suna tauna gireba garas-garas
Gama-garin marasa galihu an yi tubus
Gayu ’yan dagwas-dagwas
An yi muku warwas
Har kun gaza taku tinkis-tinkis
Wasu na ta dingishi dingis-dingis
Wasu sun murmure sun fito fes-fes
Cinikin karas
Gutsura garas-garas
balle-balle bararas
Ginsamin dundubus
Babakeren cin bulus
Taron tokarar tunku turus
Tusa tus-tus
Tattaunawar ta-bare a bagas
Turawa a Tagadas
Bature a Bahamas
Hukumar ’Yan hayin sisi
danmagori da ’yar maiganye
Malaman jiyar jaye-jaye
Kun sanya al’umma hawaye
Mahukunta sun yi mirsisi
Mai ’yar lisuwa
An dora shi bisa laulawa
Laulayi ya lula
Ana ta shan sa basilla
Haka nan ake ta kokowa
Tsamin tsimin tsamiya
Tsaunin tsayin tsiya-tsiya
Tsayuwar tsautsayin tsimaya
Tsuwwwar tsuntsuwar tsakiya
Tsugudidin tsaftar tsintsiya
Tsagwaron tsarin tsomomuwa
Tsinkayar tsikaro tsinuwa
Tsangwamar tsukukun sukuwa
Tsubbace-tsubbacen tsohuwa
Tsatsubar surkullen sokuwa
Bulbulo mana bulkodi
Ba mu babban burodi
Bidiri bireden dandi
Baragadar bezar bindi
Baragurbi sun shirya kaidi
Dubi Janten dodon kodi
Dodon mutum mai kaudi
Shudi-shudi
Da rodi-rodi
Modar modi
Madin madaci
Mugun magabci
Mai cutar da makwafci
Mazarkwailar marasa sassauci
Mahukunta na yi musu kawaici
Makada da mawaka na ta habaici
Mabarnata sun yi butulci
Mahangar munafunci
Matattarar masu Makirci
Ministan uwar jiki yai jakkanci
Farfesa Yayan-ummi
Ya ka yi da masu mukami
Wadanda suka jefa jama’a jimami
Suka sanya ruwa yai tsami
Tsakanin nagargaru da masu makami
Usainin-Babajo
Mun ga kamun Baba-Ojo
Mai gonakin Ottawa yai gwanjo
Kar ka yarda da kwabar gangamijo
Gabzar gamin gambizar kawajo
Ludayin kamun kandamowa
Gudajin gayan kunun kanwa
kokon kokon kwankwadewa
kullu da gasarar damawa
Laulayin laulawar lulawa
digon magani ne kafi
Allurar rigakafi
Shan inna cuta mai dafi
Illar wuka yankan kaifi
Sai salallamin tafa tafi
Yanayin hunturu da zafi
kazanta ta zama laifi
’Yan dugwi-dugwi na son kifi
Manya na shakar kirfi
Batuna babu kazafi
A tsaftace kunzugun jariri
A ba shi maganin tari
Daina atishawar bugun hakarkari
A wanke kayan marmari
Adon-gari da samari
Muhalli ya zam an gyara
Ko’ina a tabbatar an yi shara
Tsintsiyar kwakwa na hara
Mu kauce wa yin kakara
Mai danboto ahir mun faskara
An ci shirwa
Inshorar laulayin jiki
Badakalar jin jiki
Kudin magani ana dira wawa
Mahukunta talakawa na ta kokawa
Bokan Turai
Rai kwakwai
Mutu kwakwai
Ina ingancin allurai
Magunguna garai-garai
Masu son kai
Na yi wa al’umma shan kai
Kwashi-kwaraf fekeke
Miyagu lallai kun zake
Masana ku fasa musu kwai
Farfajiyar inganta uwar jiki
Facakar fafurar gudun gunki
Fantamawar auran bugun taiki
Fafutikar handama a wajen aiki
Feleken wawura mataki-mataki
Kula da uwar jikin karkara da birni
Tarairayar jikin da ya jikkata
Sakarcin sakacin sakata
dan magori ya labarta mini
Bokan Turai haka ya gaya mini
Dabgen dadi
Dage-dage da kayan hadi
Farfesun nama aka ba ni sudi
Romo mai rudi
Zabarin zaburar da zumudi
Sharbar shawarma shiru
Shirwa ta suri dan tsako tai sama
Sammacen samammen sunguma
Shirmen shashanci na-dakama
Sharrin ashararanci shiru-shiru
Dodo
An yi maka Dodorido
Wasan dara da kwado
Al’umma na ta kirdado
Kai mu fito dododo!
Kutingwilar gagararru
Manyan kadangaru
Sun huda mana garu
An ci shirwa shiru
Na-mujiyarmu kuru-kuru
