Sarki Salman bin Abdulaziz na Saudiyya ya umarci limaman kasar da su jagoranci gudanar da Sallar Rokon Ruwa.
A umarnin da Sarki Salman ya bayar ranar Juma’a, ya ce za a gudanar da Sallar Rokon Ruwan ce a ranar Litinin, 9 Jumada ga watan Al Awwal 1443 bayan hijira.
- Hotunan bikin bajekolin fina-finai a Saudiyya
- Sudan: An kashe mutum 138 a sabon rikicin kabilanci a Darfur
Ya kuma bukaci al’ummar kasar da cewa “Kowa ya yawaita neman gafara da tuba zuwa ga Allah, ya nemi kusanci ga Allah;
“A yawaita ayyuka na gari da kuma nafiloli kamar bayar da sadaka da taimakon mabukata da kuma ambaton Allah.
“Muna fata da wadannan ayyukan Allah zai biya mana bukata Ya yaye mana halin da muka tsinci kanmu a ciki,” inji sakon Sarkin.
