Wani harin bom da aka kai da dare ya yi sanadiyyar jikkata akalla mutum tara Jihar Taraba.
Bom din ya tashi ne ranar Juma’a da dare a unguwar Nukkai da ke kan iyakar Karamar Hukumar Ardo-Kola ta Jihar Taraba.
- Mayakan ISWAP 70 sun mika wuya a Borno
- Ranar littafi ta duniya: ‘Har a nade kasa ba za a daina karanta littafi ba’
Kakakin ’yan sanda na Jihar Taraba, DSP Abdullahi Usman, ya tabbatar wa wakilinmu cewa mutum tara sun samu rauni a harin bom din.
Zuwa lokacin hada wannan rahoto babu cikakken bayani, amma Aminiya ta gano an kai harin ne a kusa da wani gidan giya, kuma ya farfasa jikin gini.
Harim na zuwa ne kwana uku bayan wani makamancinsa da kungiyar ISWAP ta kai wata mashaya a jihar ya kashe mutum 30.
Daga baya kungiyar ISWAP ta yi ikirarin cewa kafirai ne hadafinta a harin da mayakanta suka kai mashayar.
