Dan wasan Manchester United da Faransa, Paul Pogba, ya tattauna da shugaban kungiyar Paris Saint Germain, Nasser Al-Khelaifi domin komawa kungiyar. Daily Express
Barcelona ta kyallara idanunta a kan dan wasan gaban Manchester City na kasar Spaniya, Ferran Torres mai shekara 21.
Har ma dai kocin Manchester City, Pep Guardiola ya gana da Darektan wasanni na Barcelona, Mateu Alemany a kan dan wasan.
Ana ganin cewa komawar Ferran Torres za ta bude kofar kawo dan wasan RB Leipzig mai shekaru 23, Dani Olmo zuwa Manchester City. Manchester Evening news
Leeds United ta fara zawarcin dan wasan Real Madrid na gaba mai shekara 28, Mariano Diaz. Fichajes
Dan wasan tsakiya na Real Madrid, Luka Modric mai shekara 36, na sha’awar zuwa Manchester City idan kwantaraginsa ya kare a bazara. 90mins
Barcelona na sha’awar sayen dan wasan Manchester United na kasar Faransa, Anthony Martial mai shekara 25. Marca
Shi ma Ousmane Dembele, dan wasan Barcelona da Faransa, ya yi fatali da tayin tsawaita kwantaraginsa da Barcelon ta yi. Sports Mole
