Tiffany Trump, ’yar tsohon Shugaban Amurka, Donald Trump, a karshen mako ta auri masoyinta wanda ya taso a Najeriya, Michael Buolos.
An yi bikin ne ranar Asabar a gabar ruwa ta Mar-a-Lago da ke birnin Florida a Amurka. Donald Trump da matarsa, Melania sun halarci bikin.
- https://pdcn.co/e/www.buzzsprout.com/1822045/11684474-irin-asarar-da-aka-tafka-a-gobarar-badume.mp3?download=true
- ’Yan ta’addan ISWAP sun kona motoci 22 na masu bayar da agaji a Borno
Michael Buolos dai, wanda iyayensa ’yan asalin kasashen Lebanon da Faransa ne ya tashi a birnin Legas na Najeriya.
Bayanai sun nuna ya zo Najeriya ne tun da kuruciyarsa, saboda a nan iyayensa suke kasuwanci. Ya yai karatu a makarantar American International School da ke Legas din.
Kazalika, Michael da ne ga Massad, Shugaban kamfanin SCOA da ke Najeriya, yayin da mahaifiyarsa, Sarah, ita ce ta kirkiri Kungiyar Masu Wasan Kwaikwayo ta Najeriya.
Ga wasu daga cikin kyawawan hotunan bikin da aka gudanar a Amurkan:
