Allah Ya yi wa tsohon Shugaban Jam’iyyar PDP na Jihar Sakkwato, Alhaji Ibrahim Milgoma, rasuwa.
Ibrahim Milgoma ya rasu ne a daren Talata a Asibitin Zenith da ke Abuja.
Margayin sanannen dan siyasa ne da ke da akida da ya yi gwagwarmaya don tabbatar da gaskiya a mulki.
Ibrahim Milgoma ya taba rike shugabancin jam’iyyar shekara hudu a matakin jiha.
Dan kasuwa ne da yake taimakon jama’a a lokacin rayuwarsa, kuma ya rasu ya bar matan aure da ’ya’ya da jikoki.
Alhaji Yusuf Dingyadi ne ya sanar da rasuwar a kafarsa ta Facebook.
