Rundunar ‘yan sandan Jihar Jigawa ta cafke wasu mutum hudu da take zargi da ta’adar garkuwa da mutane a Karamar Hukumar Ringim.
Kakakin rundunar ‘yan sandan jihar, DSP Lawan Shiisu Adam, ya ce ‘yan sandan sun kuma kama wani mutum mai kera bindigogi.
- An kafa dokar hana fita bayan harin barikin soji da fasa gidan yari a Saliyo
- NAJERIYA A YAU: Yadda ’Yan Najeriya Ke Asara Saboda Wasa Da Lokaci
Ya ce sun kwato bindigogi kirar gida guda uku, shanu 29, tumaki hudu, sarka daya da kuma babur kirar Boxer guda daya.
DSP Adam ya bayyana cewa, a ranar 16 ga watan Nuwamba, 2023, ‘yan sandan da ke aiki a sashen Ringim karkashin jagorancin Baturen ‘yan sandan yankin tare da hadin gwiwar ‘yan banga, suka kama mutumin mai shekara 50 da ke zaune a kauyen Yandutse Kawari, a Karamar Hukumar Ringim, wanda ya kware wajen kera bindigogi.
