Manchester United ya sanar da cewar dan wasan tsakiyarta na kasar Spain, Juan Mata zai bar kungiyar da zarar kwantaraginsa ya kare a watan Yuni.
Manchester United ta sanar da yin hannun riga wasu daga cikin ‘yan wasanta da suka hada Paul Pogba da Jesse Lingard, yayin da wasu daga cikin ‘yan wasan kungiyar da suka hada Nemanja Matic da Edinson Cavani su ma za su bi sahu.
- Gwamna Bala ya sake nada tsohon dan takarar gwamna mukamin Sakataren Gwamnati
- Kasar Turkiyya ta sauya sunanta a hukumance
Juan Mata ya buga wa Manchester United wasanni 285, inda ya lashe kofi uku tun bayan zuwansa kungiyar daga Chelsea kan kudi Yuro milyan 43
A karshe Manchester United ta wallafa a shafinta na Intanet cewa “Muna godiya bayan share shekara takwas da United, muna maka fata na gari.”
Manchester na shirin yin garambawul don farfado da kimarta a duniyar wasanni.
