Fitaccen furodusa a masana’antar Kannywood, Abubakar Bashir Maishadda zai angwance da budurwarsa jaruma Hassana Muhammad.
Za a yi bikin ne a ranar 13 ga Maris din nan a Masallacin Murtala da ke Jihar Kano.
- An sa Chelsea a kasuwa saboda rikicin Rasha da Ukraine
- Likitan bogi ya shiga hannun jami’an tsaro a Gombe
“Ina farin cikin gayyatar masoya daurin aurena. Wadanda kuma ba za su samu damar zuwa ba, sai a taya mu da addu’a.” Mai Shadda ya rubuta a shafinsa na Instagram hade da katin gayyata a ranar Talata.
Hassana ta fito a fina-finai da dama, amma ta fi yin fice da fim din kamfanin angonta mai suna Hauwa Kulu.
An yi rade-radin Maishadda zai aura wasu mata, inda ko a makon jiya aka ruwaito zai angwance da Aishatu Humaira bayan an yi na auransa da Aisha Aliyu Tsamiya wadda ta amarce a makon jiya.
