Ingila ta fara gasar Kofin Duniya da kafar dama bayan da ta tumurmusa tawagar Iran da ci 6-2 a fafatawar da suka yi a birnin Doha.
Jude Bellingham ne ya fara ci wa Ingila kwallonta ta farko kafin daga bisani Bukayo Saka da Raheem Sterling suka ci ta biyu da ta uku kafin a je hutun rabin lokaci.
- Netherlands ta casa Senegal a Gasar Kofin Duniya
- Kasashe 10 da ka iya lashe Gasar Kofin Duniya ta bana
Bayan an dawo hutun rabin lokaci ne Bukayo Saka ya kara ta hudu kuma ta biyu a wajensa, Iran ta bai wa magoya bayanta kwarin gwiwa a minti na 65 bayan da Mehdi Taremi ya ci musu kwallo daya.
To sai dai murnar ta koma ciki bayan da Marcus Rashford ya kara wa Ingila kwallo ta biyar a karawar, daga nan kuma Jack Grealish wanda ya shigo daga baya ya kara ta shida.
An daf da tashi daga karawar ne Iran ta samu bugun fenareti inda ta samu nasarar zura kwallo ta biyu a fafatawar.
