Faransa ta sallami Shugaban Hukumar Kwallon Kafa ta Kasarta (FFF), Noel Le Graet, daga bakin aikinsa.
Kafafen yada labarai sun rawaito wasu majiyoyi a ranar Laraba na tabbatar da sallamar Shugaban.
- Maganganuna kan shari’ar Abduljabbar datsar su aka yi don a hada ni da jama’a – Baba Impossible
- Da gangan aka kirkiri Boko Haram don a wargaza Najeriya – Buhari
Rahotanni sun ce an sallami Noel ne bayan wani taron gaggawa na manyan jami’an hukumar, sannan suka sanar da maye gurbinsa da Mataimakinsa, Philippe Diallo, a matsayin Shugaban rikon kwarya.
Mai kimanin shekara 81, Noel, a ’yan kwanakin nan ya sha fuskantar matsin lamba kan zarge-zargen cin zarafi da kuma lalata da mata da kuma wasu zarge-zarge da tsohon fitaccen dan wasan kasar, Zinedine Zidane ya yi masa, kodayake ya sha musanta su.
Zarge-zargen dai sun ja hankalin ’yan wasa da manyan ’yan siyasar kasar. (Reuters/NAN)
