Wani matashi da ake zargi mai damfara ta intanet (Yahoo) ne ya kashe makwabciyarsu a gidan haya.
Matashin mai shekaru 25 ya sanya gawarta a cikin jakar Ghana-Must-Go, ya kai wani kango ya boye.
Wanna lamari dai ya auku ne a yankin Ore da ke Karamar Hukumar Odigbo a Jihar Ondo.
Wani ganau ya ce an kama matashin ne bayan an yi cigiyar matar a unguwar.
- Masu gasar shan kwaya a bikin aure sun shiga hannun NDLEA a Katsina
- Sanatoci sun sallama albashinsu na Disamba ga mutanen Tudun Biri
Ya ce “Mun girgiza da jin cewa dan Yahoo din ya kashe matar domin tsafi.”
Abin ya fusata matasan unguwar suka kona gidan iyayensa.
Kakakin ’yan sandan jihar, Funmilayo Odunlami-Omisanya, ta ce rundunar tana tsare da wanda ake zargin.
Funmilayo ce ana ci gaba da binciken sa a hedikwatar rundunar da ke garin Akure.
Ta ce an gano gawar ce a wani kango kusa da gidan da hayan, bayan iyalan matar sun shiga neman ta.
“An fara zargin matashin ne bayan ’yar uwar matar ta ga jini a kafarsa a lokacin da suke neman ta,” in ji Funmilayo.
