Dan Majalisar Dokokin Jihar Kogi, John Abah mai wakiltar Ibaji ya rasu ranar Laraba sakamakon rashin lafiya a wani asibiti a Birnin Tarayya, Abuja.
Shugaban Jam’yyar APC a mazabar Kogi ta Gabas, Ahmed Omiattah ya sanar da rasuwar Dan Majalisar.
“Ina mika ta’aziyyarmu ga jama’ar Ibaji da kuma iyalan mamacin”, inji sanarwar daya fitar a garin Lokoja.
Rahotanni sun nuna dan majalisar ya jima yana kai komo a asibiti saboda rashin lafiyar da ba a bayyana ba.
- Jihar Kogi ta rufe asibitoci hudu marasa rijista
- Ali Nuhu na godiya bisa ta’aziyar rasuwar mahaifinsa
A sakon ta’aziyyarsa, Kakakin Majalisar Dokokin Jihar Mathew Kolawole ya bayyana rasuwar John Abba a matsayin babban rashi, la’akari da irin gudunmuwar da mamacin ke bayarwa a majalisar.
Sanarwarsa ta bakin saktare Yada Labarinsa, Femi Olugbemi ta mika ta’aziyya ga iyalan mamacin da ‘yan mazabar Ibaji game da rasuwar wadda ya ce ta haifar da babban gibi.
