Dan wasan gaban Faransa da Real Madrid, Karim Benzema, ya jingine buga wa Faransa kwallo.
Dan wasan ya bayyana haka ne kwana daya da Faransa ta yi rashin nasara a hannun Ajentina a bugun fanareti a Gasar Cin Kofin Duniya.
- Mahara sun kashe mutum 28 a Kudancin Kaduna
- Najeriya ta sami tiriliyan 1.3 ta hanyar noman rake a shekara 10
Benzema ya wallafa a Twitter cewa, “Na yi iya kokarina kuma na yi kura-kurai wanda hakan ya kawo ni matakin da nake a yau.”
Tun da farko dai Benzema ya samu rauni a kafarsa, wanda hakan ya sa Faransa ta tura shi gida, lamarin da ya janyo ce-ce-ku-ce a tsakanin tawagar ’yan wasan kasar.
Dan wasan na Real Madrid da ya lashe kambun Gwarzon Dan Wasan Duniya na Ballon D’Or, wanda kuma ya cika shekara 35 a duniya a ranar Litinin, ya ce ya yanke hukuncin ne bayan shawara da ya yi.
“Na kafa tarihina a rayuwar kwallo,” in ji Benzema.
