Kungiyar kwallon kafa ta Bayern Munich ta tabbatar da kulla yarjejeniyar daukar kocin RB Leipzig, Julian Nagelsmann.
Sabon kocin zai karbi ragamar horas da kungiyar daga ranar 1 ga watan Yuli, 2021.
- ’Yan bindiga sun saki sabon bidiyon daliban Kwalejin Afaka
- An cafke masu yi wa ’yan bindiga leken asiri a Neja
Munich ta dauko Nagelsmann a kan kudi €25, bayan warware yarjejeniyar da kocinta, Hansi Flick ya yi.
Nagelsmann mai shekaru 33, zai jagoranci kungiyar ne sakamakon kokari da bajintar da ya yi a kungiyar RB Leipzig.
Bayern Munich wacce ta lashe gasar Bundesliga har sau 29 a tarihi, a yanzu ita ce ke saman teburin gasar ta bana da maki 71 cikin wasanni 31 da ta buga.
RB Leipzig ita ce a mataki na biyu a teburin gasar da maki 64.
