Babban basaraken Jihar Taraba, kuma Aku Uka na Wukari, Dokta Shekarau Agyo ya mutu.
Marigayin, wanda shi ne ‘Sarkin Jukunawa’ ya mutu yana da shekara 84 a duniya.
- Najeriya na dab da fuskantar karancin iskar da mutane ke shaka – Masani
- APC ta lashe dukkan kujerun Ciyamomi da Kansiloli a zaben Filato
Wakilin Aminiya ya jiwo cewa Sarkin mai daraja ta daya kuma Shugaban Majalisar Sarakunan Jihar Taraba ya mutu ne ranar Asabar a fadarsa dake Wukari bayan yayi fama da rashin lafiya.
Dokta Shekarau Agyo dai ya dare kan karagar mulki ne a watan Agusta na shekarar1976, ya shafe kimanin shekara 45 kenan a kan gadon mulki.
Wata majiya daga gwamnatin Jihar ta shaida wa Aminiya cewa a al’adance, Gwamnan Jihar ne kawai zai iya bayar da sanarwar mutuwar Sarkin a hukumance bayan an kammala wasu al’adu kamar yadda yake kunshe a al’adun ’yan kabilar ta Jukun.
