Akalla mutaum 18 ne aka kashe a kauyen Iye da ke Karamar Hukumar Guma a Jihar Benuwai.
Christopher Waku, mai ba da shawara kan harkokin tsaro na Karamar Hukumar Guma, ya ce an kashe akalla mutum 18 a harin.
Waku ya ce, “An kashe mutum 18 a kauyen Iye da ke Karamar Hukumar Guma a jiya (Lahadi) da misalin karfe 6 zuwa 7 na yamma, kauyen na bayan Jami’ar Joseph Sarwuaan Tarka da ke Makurdi (JOSTUM).”
- Dangote ya zo Legas shekara 45 da suka wuce ba shi da komai – Sanwo-Olu
- Likitoci sun janye yajin aikin gargadin da suka shiga
Mazauna yankin sun shaida wa Aminiya cewa an jikkata mutane da dama a harin da aka kai kauyen da almurun ranar Lahadi.
Kakakin ‘yan sandan jihar, Catherine Anene, ta tabbatar da faruwar harin, inda ta ce an gano gawarwaki mutum bakwai a safiyar ranar Litinin yayin da daya daga cikin maharan kuma ya mutu.
