An daure ’yan Yahoo shekara 3 a Kano

Babbar Kotun Jihar Kano ta yanke wa wasu masu danfara ta intanet wanda aka fi sani da harkar Yahoo hukuncin daurin shekara uku.

Kotun, karkashin jagorancin Mai Shari’a Ibrahim Karaye, ta yanke wa Benjamin Udeagwu da Benjamin Olamide hukuncin ne a ranar Laraba bayan Hukumar EFCC ta gurfanar da su.

• An cafke mutum 11 kan garkuwa da mutane a Abuja
• Matashin dan kasuwa ya rataye kansa a Kano

Kowanne daga cikin mutanen biyu da aka yanke wa hukuncin sun amsa lafin nasu kafin kotun ta yanke musu hukuncin zaman gidan yari na shekara uku.