Jami’an Hukumar Farin Kaya ta Civil Defence (NSCDC) sun cafke wasu mutum biyu da aka samu da jabun kudi a Kasuwar Yagba ta Jihar Kwara.
Wannan na dauke ne cikin jawabin da Kakakin Hukumar na Jihar, Babawale Zaidu, ya fitar ranar Asabar a Ilorin, babbab birnin Jihar.
- Dakatar da Twitter: Za mu hukunta wadanda suka karya doka — Malami
- Facebook ya bi sahun Twitter wajen goge sakon Buhari
“Wanda ake zargin sun bayyana cewar za su shiga kasuwar Yagba ta yadda ba kowa zai gane su ba.
“Mutum biyun yanzu haka suna hannun jami’anmu inda ake gudanar da bincike a kansu,” a cewar Zaidu.
Zaidu ya ce jagoran masu jabun kudin wanda ya tashi a jihar Ebonyi, mazaunin Kwara ne wanda wani mutum ya dora sa a kan harkar jabun kudi a birnin Lokoja.
Ya ce ababen zargin sukan zaga kasuwanni daban-daban inda suke shigar da jabun kudaden nasu ta yadda ba za a gane ba.
