Amon-takun tunku
Aman-teku
Ambaliyar akwaku
Aringizon arafku
Aron-aku
A murtuke
A mutsuttsuke
Ai ta make-make
An samu lasisin yanke-yanke
Ana son doke-doke
Aika-aika
Soke-soken suka
Some-somen sussuka
Sassafar sukuwar sauka
Alamta alamu haka-haka
Kwantara gora
Zaurancen zantukan ’yan zara
Karafkiyar karon kariyar kwantara kara
Bugi-in-bugar birni da karkara
Jimamin jamhurun jiran jagora
Zance ne na uwar daka
Bambamin huda baraka
Carin carar caccaka
Dagar dungun dugu-dugun duka
Warware tufkar hadaka
Dauke-dauken hankaka
Maida dan wani naka
Sunkurun satar shirwa
Salon surutun shewa
Turnukun turka-turka
Kulkin kwalawan kwanta-kwanta
Kokarar karafkiyar karata
Kwance-kwancen kuntata
Kwaramniyar kullata
Kumburin kasurar kawanyar karanta
YankinYaro-Baba
Hauron-Baba
Haurobiba
Hargowar haramben haraba
Hasafin hatsin tsaba
Damisar damushere
Damon duman dundumin dare
Dagar dara daron dare-dare
Digiriren dagogwaragon derere
Dawainiyar daure-daure
Kwatanceceniya
Ka-ce-na-cen kacaniya
Kankambar kwaramniya
Karajin kin-jin kiriniya
Kokarin karfa-karfan kiren karya
Hisba
Hasafin haraba
Haruffan harsashin harbi harba
Husumar haifar da ukuba
Haihata-haihata haba-haba!
’Yan uwantaka
Ko fatattaka
Kakarin karkata
Kullafucin kullata
Zawarcin zalamammun zarata
Shegantakar shammata
Shashancin shingen shagalta
Hange-hangen hankalta
Balgace-balgacen balbalta
Kuntunguilar karime-karimen kamfata
Kundin kunshe-tushe
Kwance-kwancen kwashe-kwashe
Kashi-kashin kashe-kashe
Cika-cikin cushe-cushe
Romon rummacen rashe-rashe
Haurobiyawa
Arewatawa
Kadawa
Yammatawa
Gabasawa
Kowa dai ya hankalta
Mu daina yi wa juna mugunta
Mui masalaha mu daidaita
Kar shaidanu su sa mu daidaita
Zumun zaman lullumin lumana kar a lahanta
Hauhawar hargowar haramta bobon bokoko a yankunan Arewatawa, musamman a yankunan Arewatan Gabashin Haurobiya, tare da garkuwar gagara-kuwwa a yankin Arewatawan Yammacin Haurobiya, daukacin wadannan al’amura su suka ingizo Amon-takun tunkun Aman-tekun Ambaliyar akwakun Aringizon arafkun Antayowar awon aron aku a yankin Yaro-Baba. Kuma kowa na da masaniya kan yadda aka yi ta fafutikar kafa jami’an dakon dabbar dawa tukkun tagiya bugu da kari a daukacin fadin jihohi.
Watsattsaken jirkice-jirkicen jirwayen jaridu da makalutun makalun mujallu da akwakun kwakwazo da dodannin hotuna masu wuntsila-gudi-gudi, duk sun baje wa Haurobiyawa yadda yankin Kudancin Yammacin Haurobiya ke ta fuffukar fafutikar kafa turken DAMISAR DAMUSHERE, don haka kowa ke ta ce-ce-ku-ce kan tashin tashinar tashen DAN AKUYAN NAN YA SHIGA RUMBU, sai ku buge shi damusherere.
Hakika daukacin Haurobiyawa, musamman wadanda ba su fito daga yankin da aka kafa turakun takun tunkun Amon-tunkun Aman-teku ba, kowa da yadda ya fasko shirin shiga Sharon tsirin tsaurin tsaro, wato dai ana iya cewa: akwai shegantakar shammatar shashancin shingen shagaltar hange-hangen hankaltar balgace-balgacen balbalta a kuntunguilar karime-karimen kai-kawon kumfar kamfatar karmami.
Su kuwa jagororin al’ummar tuni suka hau dandamalin daddale dalilansu da cewa: sun kafa turakun Damisar damusheren damon duman dundumin daren dagar dara daron dare-daren digiriren dagogwaragon dereren dawainiyar daure-daure ne don kawwame dukiyar al’ummarsu a lullumin lumanar liyafar rayuwar rayuka. Sannan sun yi kwatanceceniyar ka-ce-na-cen kacaniyar kankambar kwaramniyar karajin kin-jin kiriniyar kokarin karfa-karfan kiren kare-karen karyar Hisbar hasafin harabar harhada haruffan harsashin harbin harba-harbar husumar haifar da ukubar haihata-haihata haba-haba!
Bisa la’akari da takaddamar turka-turkar tokarar takun tunkun tunkudowar teku, akwai bukatar lallai Haurobiyawan Arewatawa da Kadawa da Yammatawa da Gabasawa su yi mai yiwuwa wajen kauce wa hauka-haukan hantarar hukuma don tabbatar da kimar kundin kunshe tushe ko kwance-tushe?
Watakila sun fasko yiwuwar LAULAYIN ALAYEN LAUYE-LAUYE da ka iya haifar da kwance-kwancen kwashe-kwashen kashi-kashin kashe-kashe cika-cikin cushe-cushe romon rummacen ragon Romawa rashe-rashe
Lallai sai a hanzarta a yi ’yan gyare-gyare, amma ban da kagen kare-kare da ka iya haifar da GYARE-GYARE IRIN NA GYARE DA KUREGE.
Kundin kunshe-tushe dai ba ya bukatar kwashe-kwashen kashin kashe-kashen cushe-cushe romon rummacen rawunnan RUFA-RUFAR RAMUWAR-FANSA, tamkar yadda lamurra suka kasance a KUDANCIN IFIRIKIYYA; Ko RUWAN DAREN RUWAN RANDAR RUWANDA, muna sane da hautsinin Tutsun Tsutsi da husumar hutun Hutu. A kundin labaran da, da na yanzu sai mu yi bitar bin-kadin langabun Laberiya da sukuwar sululun Saliyo. Ga tada kayar bayan Auzinawan Arewacin Niyyar-jari, inda aka baje bujen buzuzun buzu buzu-buzu. Daukacin wadannan al’amura da aka bijiro da su a matsayin misalan jimurdar jikata jikkunan jama’a a daukacin fadin Ifirikiyya sai su zama izina ga Haurobiyawa, ko don su yi kokarin dorewar lullumin lumana lullum.
Matukar masu BUKATAR BABAKEREN BUKKAR BARARRAJEWAR BARAGURBI sun doge, hakika za su burge idan har suka mayar da GAGARARRU GYARARRU, maimakon a jinka musu ta’adar tada kan addar adawar tsoratarwar tsoro. Idan kuwa sun murtuke, sun matse, sun motse an mutsuttsuke ana ta make-make don samun lasisin yanke-yanke da doke-doke, to kowane yanki damarsa ce a tsarin DAMON-KURAR-DIYYA ya dinga ’yan daba da ’yan sara-suka, su ma su GIRGIZA GARIYO, a dan motsa ko a ji dadin yamutsawa.
Masalaha dai kowa ya tare a GUDUNMAR GUDUNMUWAR GAMAYYAR GAMA-GARIN al’umma, masu himmar tarairayar tarayya, don gudun ka da magabta su yi mana kawanya, har a zo ana ta kayya-kayya. Karshe a karke da jefa azargagiyar zarge-zarge kan wane da wane a wuni-wunin wa-ka-ci-ka-tashi mai mamakon muni.
Gwamnatin Baban-burin-huriyya wajibi ne a yi wa wannan tufka hanci, don gudun ka da a jefa jama’a cikin kunci. Mu kuwa al’ummar kasa mu tabbatar da ’Yan uwantaka, tare da kauce wa fuffukar fatattaka juna, ko kakarin karkata kullafucin kulla-kullar kullatar zawarcin zalamammun zarata. Kowa dai ya hankalta, mu daina yi wa juna mugunta; mu yi masalaha mu daidaita ka da mu bari shaidanu su sa mu daidaita zumun zumuntar zaman lullumin lumanar liyafa lakume laifuka, don haka mu kiyayi lahanin la’antar lamunin laftun lafkewar langabewar lahanta. Mu yi watsi da hayagagar ayaga, mu bi doka ka da kowa ya koka, a yi ta kokarin tabbatar da adalcin adala. Don haka kowa ya kula ka da a jefa al’umma halin kila-ka-kala.
Idan na-zomo ya ji, to gangar jiki ta tsira, ta yadda ba za a yi mata tsirara ba, amma idan ya ki ji, to ba a ki gani ba; kuma jikkuna ba za su ki jikkata ba. ‘Jiki dai magayi bankar bukin dan Korau!’
