Alhaji Buba Turaki, mahaifin ‘Singam’ ya rasu

Allah Ya yi wa Alhaji Buba Turaki, tsohon jami’in kwastam rasuwa da safiyar ranar Lahadi a Jihar Gombe.

Alhaji Buba wanda ya rasu yana da shekara 106 a duniya, shi ne mahaifin tsohon Kwamishinan ’yan sandan Jihar Kano CP Muhammad Wakili da ake yi wa inkiya da Singam.

• An yi gangamin goyon bayan mulkin soja a Sudan
• Lata Mangeshkar: Fitacciyar mawakiyar India ta rasu

Rashin lafiya ce ta yi ajalin Alhaji Buba Turaki kuma ya rasu ya bar matan aure da ’ya’ya 10, maza 5 da mata 5.

Za a gudanar da jana’izarsa da misalin karfe 2 na rana a kofar Fadar mai martaba Sarkin Gombe.

Cikin ’ya’yan marigayin har da tsohon kwamishinan ’yan sandan nan da ya yi fice a Jigawa da Katsina musamman a fagen yaki da masu ta’ammali da miyagun kwayoyi da kuma matasan da ke shaye-shaye a Jihar kano.