An kasa gurfanar da tsohon Gwamnan Jihar Kogi Yahaya Bello kan sabon zargin badaƙalar Naira biliyan 82.
Hukumar yaki da almundahana ta EFCC ta kasa gabatar da Yahaya Bello a kotu ranar Alhamis domin kan sabbin tuhume-tuhume 19 kan badaƙalar kuɗaɗe.
Hakan na zuwa ne bayan da farko a ranar Laraba wata Babbar Kotun Abuaj Abuja ta tsare shi, bayan an gurfanar da shi kan badaƙalar karkatar da Naira biliyan 110.4 a lokacin da yake jagorantar Jihar Kogi.
Sai dai wasu majiyoyi sun bayyana cewa an kasa gurfanar da tsohon gwamnan ne saboda rashin wasu takardu.
A ranar 30 ga watan Oktoba, alƙalin kotun, Mai Shari’a Emeka Nwite, ya ayyana 21 ga watan Janairun 2025 a matsayin ranar ya ke hukunci kan gurfanarwar da kuma buƙatar ɗaukaka ƙarar zuwa Kotun Ƙoli.
Shari’ar Yahaya Bello dai ta sha fama da samun tsaiko da ɗage zama saboda rashinsa a kotu.
