Dan takarar Gwamnan Jihar Adamawa a jam’iyyar SDP, Dokta Umar Ardo, ya yi alkawarin saduda da zaben jihar muddin takwararsa ta jam’iyyar APC, Aisha Dahiru Binani ta yi nasara a Karamar Hukumar Adamawa ta Kudu da ke zaman mahaifarta.
Cikin wata sanarwa da ya fitar jiya Talata, Ardo ya ce ba za a sake yaudarar al’ummar jihar da dan wani na goro da za a basu ba, sai dai su duba cancanta yayin kada kuri’arsu.
- Ministan Isra’ila ya kai ziyara masallacin Kudus
- Tirela ta murkushe sojoji 2, ta jikkata daya a Kwara
“Na fadi haka a baya a gidan Talabijin na kasa, kuma ina sake maimaitawa a yanzu ma.
“Idan har Binani ta yi nasara a mahaifarta [Karamar Hukumar Adamawa ta Kudu], to tun a nan zan amince da sakamakon, na bari a rantsar da ita a matsayin Gwamnar jihar”, a cewarsa.
