Gwamnan Jihar Anambra, Chukwuma Soludo, ya ce gwamnatinsa za ta soke dokar kullen ranakun Litinin da haramataciayr kungiyar (IPOB) ta kakaba a jihar.
Soludo ya ya bayyana wa bikin ranar ma’aikatan gwamnati ta 2022 da aka gudanara ranar Talata cewa gwamnatinsa ta yi nasarar kawar da bata-garin da suka mamaye kananan hukumomi takwas na jihar watanni kadan bayan zamansa gwamana a watan Maris.
- Saudiyya ta soke gwajin COVID-19 da yawan shekaru a Hajjin 2023
- Kwarya-kwaryar kasafi: Buhari ya aike wa Majalisa N819.5bn
Ya ce, “A baya an ce wai ’yan bindiga ne da ba a san ko su waye ba, amma magana ta gaskiya an san ko su wane ne, don daga cikinnmu suke.
“Dole mu koma aiki da zuwa makaranata sau biyar a sati ba sau hudu ba, domin muna asarar kashi 20 na cigaban da ya kamata a ce mun samu.”
A watan Maris ne gwamnan ya sanar da kawo karshen dokar ta IPOB, sai dai tsoro ya hana mutane watsi da ita.
Gwamnan ya kuma bayyana cewa zai yi karin kashi 10 na albashin ma’aikata daga shekarar 2023, baya ga maye gurbin kyautar shinkafar Kirsimeti da gwamnatin baya ke yi da rabon N15,000 ga ma’aikata da ’yan fansho.
