Shafin YouTube zai biya wasu mamallakan hotunan bidiyo da mutane suka biya kudi kafin su kalla, a lokacin da shafin ya yi gwajin tsarinsa na karbar kudin kallo a wurin jama’a, kamar yadda BBC ya bayyana.
A ranar Laraban makon jiya shafin na YouTube ya kaddamar da tsarin biyan kudi a wata a Amurka kafin mutane su kalli wasu hotunan bidiyo da shafin ya cire tallace-tallace a cikinsu.
Shahararrun masu sanya hotunan bidiyo a shafin sun nuna damuwa kan cewa shafin ba zai biya su ba idan ya karbi kudi daga wurin jama’a na kallon bidiyonsu a wata daya da zai yi yana gwaji.
Masu sanya hotunan bidiyo a shafin suna samun kudi daga tallace-tallacen da ake nunawa a cikin bidiyon, amma sabon tsarin da shafin ya bullo da shi, ya cire tallace-tallace a Amurka saboda biyan kudi da jama’a suka yi.
A maimakon samun kudin daga tallace-tallacen, shafin na YouTube zai dan nuna musu hotunan bidiyon da aka kalla kadan daga cikin kudin da ya samu, gwargwadon mintocin da aka kalle su
