Rundunar ’Yan Sandan Jihar Zamfara ta kama wasu mutum hudu bisa zargin kashe wasni Bafulatani makiyayi
Kwamishinan ’Yan Sandan Jihar, Abutu Yaro, yayin gabatar da su a ranar Lahadi ya ce jami’an Rundunar sun kuma kwato shanu 200 daga masu satar dabbobi.
- ’Yan kasuwar Kano da aka yi garkuwa da su sun kubuta
- Tsoron iyayenmu na hana maza neman aurenmu —’Yan matan barikin soja
- An kama kwarto ya haka ramin da ke kai shi gidan auren tsohuwar budurwarsa
- An kai daraktan Kannywood Ashiru Nagoma asibiti
“Mun kwato shanu 200 bindigogi kirar AK-47 guda biyar, motoci uku da harsasai masu tarin yawa,” inji shi.
Kwamishinan ’Yan Sandan Ya ce shirin samar da aminci da gwamnatin jihar ke jagoranta a jihar ya yi gagarumar nasara.
Daga cikin nasarar, a cewarsa, ’yan bindiga sun mika wa gwamnatin bindigogi kirar AK-47 guda uku da harsasai 47
Ya jaddada aniyar rundunar na ci gaba da tattaunawa masu ruwa da tsaki domin samun nasara a yaki da ayyukan ta’addanci.
“Za mu ci gaba da shirinmu na samar da zaman lafiya da kuma tuntubar dukkannin masu ruwa da tsaki domin kawo karshen dukkannin ayyukan ’yan bindiga,” inji shi.
