Rundunar ’Yan Sandan Jihar Yobe hallaka ’yan Boko Haram shida da suka kai hari a garin Babbangida na Karamar Hukumar Tarmuwa.
Kakakin Rundunar, ASP Dungus Abdulkarim ya tabbatar wa Kamfanin Dillacin Labarai na Najeriya (NAN) aukuwar lamarin.
- An cafke masu kai wa Boko Haram makamai
- ‘Yadda na tsere daga hannun Boko Haram’
- ’Yan bindiga sun yi garkuwa da basarake a Yobe
“Jami’anmu masu sintiri ne suka yi artabu da ’yan ta’adda bayan har suka kashe guda shida daga cikinsu, wasu kuma sun tsere da raunuka a jikinsu.
“Bayan ’yan ta’addan sun kai hari tare da lalata ofishin ’yan sanda da sansanin Soji, ’yan sanda sun yi musu kofar-rago”, a cewar shi.
Maharan sun lalata kayan gwamnatin jihar tare da sanya fargaba a zukatan mazauna yankin.
