Rundunar ’Yan Sandan Jihar Nasarawa, sun kai samame maɓoyar masu garkuwa da mutane tare da ceto mutum uku a Ƙaramar hukumar Karu.
Waɗanda aka ceton su sun haɗa da Abdulsalam Shuaibu, Sani Shuaibu, da Blessing Okorie, waɗanda aka sace a kan titin Kaduna zuwa Keffi.
- Sanata Barau ya tura ɗalibai 70 karatu ƙasashen waje
- Sojoji sun hallaka ’yan ta’adda 148, sun kama wasu 258
Kakakin rundunar ’yan sandan jihar, DSP Ramhan Nansel, ya ce maharan sun tafi da su zuwa daji.
Bayan samun rahoton, SP Zaks Wambai, DPO na yankin, ya jagoranci tawagarsa don yin bincike.
Tawagar ta gano maɓoyar maharan inda suka fatattake su, tare da ceto waɗanda aka sace.
Kwamishinan ’yan sandan Jihar Nasarawa, CP Shetima Jauro Mohammed, ya yaba wa jami’an kan nasarar da suka samu.
