Rundunar ’Yan Sandan Jihar Delta ta tabbatar da wasu ’yan bindiga sun yi garkuwa da wani matashi mai suna Effurun
a Karamar Hukumar Uvwie da ke Jihar.
Kakakin Rundunar a jihar ce ta tabbatar da faruwar hakan.
- Bashin $5.3bn ya hana gina layin dogo daga Kano-Ibadan
- Ta yi garkuwa da saurayi saboda ya ki auren ta
“Da gaske ne an kawo mana rahoto kan garkuwa da wasu ’yan bindiga suka yi da matashin a ranar Alhamis,” a cewarta.
Wata majiya ta bayyana cewar, ’yan bindigar sun yi garkuwa da matashin ne da misalin karfe takwas na safiyar ranar Alhamis, a dab da hanyar filin sauka da
tashin jiragen Jihar.
Majiyar ta kara da cewa, “Yan bindigar sun zo ne cikin wata mota baka kirar 4Matic, dauke da manyan bindigogi.
“Kuma kai tsaye suka yi kan matashin tare da ritsa shi da bindiga a kai, kuma suka yi awon gaba da shi a cikin motar,” cewar majiyar.
