’Yan bindiga sun yi garkuwa da wasu makiyaya mambobin kungiyar Miyetti Allah guda 10 tare da sace shanu 300 a Jihar Anambra.
An kai wa Fulanin harin ne cikin dare suna bacci a Obene cikin Karamar Hukumar Ogbaru a Jihar Anambra, a cewar shugaban kungiyar Miyetti Allah shiyar Kudu maso gabashin Najeriya, Alhaji Gidado Siddiki.
- 2023: Dungun da Buhari ya yi ya jefa Osinbajo da Tinubu da sauransu a duhu
- ISWAP ta dauki alhakin kashe ’yan sanda a Kogi
’Yan bindigar da aka bayyana sun kai 40 dauke da manyan makamai sun bukaci a biya su miliyan hudu a matsayin kudin fansa da kuma bindiga daga iyalan wadanda aka kama.
Alhaji Gidado Siddiki ya ce lamarin ya faru ne da misalin karfe 1.30 na daren ranar Asabar.
