Wasu mahara sun yi awon gaba da hakimin al’ummar Chip da ke Jihar Filato, Sunday Dajep, da karfin bindiga.
Da misalin karfe 11 na dare ranar Laraba ne ’yan bindigar suka kutsa fadar basaraken da ke jagorantar kabilar Mhiship a Karamar Hukumar Pankshin ta Jihar Filato, suka yi awon gaba da shi.
- ’Yan sandan Isra’ila sun fatattaki Musulmi masu ibada a masallacin birnin Kudus
- Canjin kudi ya goge duk alheran mulkin Buhari —Soyinka
Kakakin ’yan sandan Jihar Filato, DSP Alfred Alabo, ya shaida wa wakilinmu cewa rundunar ta samu rahoton garkuwa da basaraken kuma ta dauki mataki a kai.
A cewarsa, “Jami’an rundunarmu na bin sawun ’yan bindigar; tun lokacin da muka samu kiran neman dauki muka kaddamar da aikin kamo maharan.”
