Jarumin fina-finan Hausa na Kannywood, Rabiu Rikadawa ya aurar da ’yar cikinsa mai suna Fatima ga babban yaronsa a harkar fim mai suna Salisu Abdullahi (Babangida).
Rikadawa cikin farin ciki ya garzaya shafinsa na Instagram yana bayyana murnarsa da ganin daurin auren Fatima da angon nata wanda suka jima suna soyayya.
- Za mu shirya mukabala tsakanin Abduljabbar da Malamai — Ganduje
- Fashewar tankar mai ta hallaka mutane 11 a Abuja
- Dogo Gide: Mutumin da ya hallaka Buharin Daji
- Tambayoyin Duniyar Ma’aurata (1)
“Daurin auren ’yata Fatima Rabiu Rikadawa! Na gode Allah ina farin ciki da ganin wannan rana mai cike da tarihi a rayuwata,” inji uban amarya.
Juma’a daga ciki da wajen Kannywod da suka hada da Adam A. Zango, Yusif Saseen, Alhassan Kwalli, Sani Musa Danja da sauransu sun halarci daurin auren da ya gudana a Babban Masallacin Juma’a da ke unguwar Kabala a Jihar Kaduna.
Ango Salisu ya shaida wa Aminiya cewa “Mun jima ni da Fatima muna soyayya kuma maigida ya sani, ya kuma yi mana fatan alheri.
“Soyayyarmu ta yi karfi sosai, ga shi har ta kai mu ga yin aure,” inji ango Babangida, jarumi kuma mai shirya fina-finan Hausa.
Jarumai maza da mata, masu shiryawa da ba da umarni a Kannywood sun yi ta zuwa shafukansu na Instagram suna taya Rikadawa da kuma ango da amarya murnar auren da aka shafa Fatiha ranar Juma’a 5 ga Fabrairu, 2021
Daga cikinsu akwai Aminu Saira, El-Mu’az, Nasir Ali Koki, Ali Nuhu, Kamal S. Alkali, Abubakar Bashir Maishadda, Rahama Sadau, Hadiza Gabon, Saratu Gidado, Yakubu Mohammed, Abba El-Mustapha, Baballe Hayatu, Ali Jita, Nura M. Inuwa, Ado Gwanja, Umar M. Shariff da sauransu.
