An kama wani matashi bayan ya makure budurwarsa har sai da ta mutu, sannan ya binne gawarta a cikin dakinsa.
Matashin da ake zargi yana yin tsafin samun kudi ne, ya yi wa budurwar tasa aika-aikan ne ranar Alhamis, a unguwar Okaka da ke garin Yenagoa, hedikwatar Jihar Bayelsa.
- An ba da hutun Sabuwar Shekarar Musulunci a Sakkwato
- Matsaloli 5 da suka addabi ’yan Najeriya
- An tsaurara tsaro a Kano bayan rahoton kai hari hedikwatar ‘yan sanda
Bayan dubunsa ta cika, wani makwabcinsu ya ce mutanen unguwar na zargin shi da zama dan Yahoo-Yahoo ya saba kawo ’yan mata daban-danan dakinsa.
Daga bisani jami’an tsaro su cafke matashin, lamarin da ya sa mazauna unguwar cikin al’ajabi.
Kakakin ’yan sandan Jihar Bayelsa, SP Asinim Butswat, ya ce: “Matashin mai shekara 27 dan asalin unguwar Ikibiri ne, amma yana zaune a unguwar Okaka,
“Ya binne gawar budurwarsa, Kate Ogwoh, mai shekara 26, Kate Ogwoh, bayan ya makure ta har ta mutu.
“An tsare shi ne bayan bayanan sirri daga makwabta a ranar 29 ga watan Yuli da misalin karfe 8 na safe.
“Yanzu haka yana fuskantar bincike a Sashen Binciken Manyan Laifuka.”
