Watsattsaken wasikar waskiya
Walwalin waliyon walkiya
Wautar watangaririya
Wawurar wariya
Wafce-wafcen wukiya
Baban-gargada
Burga da baragada
Baban bugun gada
Baturen Bagauda
Bargar dawaki da danda
babatu da buruntu
Surutun mai tagiya da tuntu
barambarama rututu
Da manufar kulla kutu-kutu
Wai suna bayar da sautu
Miyagu na ta sambatu
An fasko masu shigar burtu
Karatunsu har da Satu
Su dai sun yi batu
Hassada ta sa sun zautu
kwanji
Da karaji
Rashin ji
Laluben kunji-kunji
bulluko wa kasa kurji
Kankamba da kwaramniya
Kata-katar kiriniya
kumbiya-kumbiya
Tsallen jaba da gafiya
Kusu mai kurmusun tsiya
Tuhumar karya
kwarya dai ta bi kwarya
Manya na dirkaniya
Hassada da butulcin tsiwa
Suna ta yi wa al’ummma tsuwwa
Tufka da warwarar waskiya
Sai a fasko mutan Haurobiya
Maiduka yai mana kariya
Mu kiyayi masu kwakwazo a rariya
Mu zamto masu juriya
Yarima da Gimbiya
Lumana ta fi mulkin duniya
Sara da daukar dawainiya
Hana zaluncin ’yan danniya
Masu dabi’ar hawainiya
Da ke sauya salon zamiya
Zaburar dokin zuciya
Baba kyale ’yan jagaliya
Masu jagwalgwalon jan tsiya
Da jangalewar jayayya
Juwa-juwar hajijiya
Tsaya Baban-burrin-huriyya
Tsirin tsiyakun tsinannu
Masu tauye mudu da hannu
Sun yi dako a tsamiyar tsinannu
Fuskarsu murtuke sun sha kunu
Matafiyansu da zaunannu
Baba-Ojo mai gonakin Ottawa
Tsohon nan ya yi yawa
Zagon kasa yai wa ’Yar’bishiya
Tadiye kafar Haurrobiya
Yanzu yana yi wa Baba adawa
Wai shi ga kartagi uban ’yan caca
Al’umma tai masa ca
Tsoho mai Iburo da acca
Masu mulki yai musu faca-faca
Shi ma za ai masa kaca-kaca
Shi ne uban carafke
Mai canke-canke
Ba wani mugu sai shi
Ba ya so a caccake shi
An fasko wanga take-take
Baba-Ojo
Gwanin gwanjo
Dukiyar al’umma ya wawushe
Ya bar mu muna ashe- a she
Shi kuwa yana ta rawar banjo
Mutumin da debi dukiya yai fatali
Ya ce babu wanda ya iya tattali
Sai shi da ya iya gantali
Da jajibe-jajiben rashin hankali
Shi ya fara rusa wa kasa tubali
Wanzami ba ya son jarfa
Sai a ba shi tuffa
Garinsa ya samu nonon tarfa
Sai ya ji dadin kwafa
Ya toshe mana kowace kofa
An hango shi ta kowace kafa
Yana makircin tsirfa
Wai ka da a ce ya tsufa
Ko’ina sai ya dauki kafa
Wai don a ce masa kakarfa
Lamarin tsoho ya zurfafa
Muguwar manufarsa ta zafafa
Magabta na binsa sau da kafa
Ko ya shuka samfarera su dafa
Fandararsu ta sa sun yi zufa
Mai lambu
Yai limbu-limbu
Wai ya nada kambu
Zai dundume kururu da dambu
Baba za a garkame wa gambu
Masu lebba subu-subu
Kun yi gini da yunbu
Sannu taron tababbu
Jibar jibga rabu
kuri’ar zumbutun zababbu
Kwashe kudi dungurungum
A duhun dundumdurundum
Ana ta durundum
Wasan madundumu dududum
Ya ki jan bakinsa yai gum
Ku sha kuruminku kurum
Masu cin tumu tutum
Kidan gurminsu gurungurum
Na dakama dankam yai dulkum
Mu dai mu yi bakam
Mun huta da kwamarto
Don kurciya na ta koto
Jirkicewar mai dan boto
Baba-ojo ya ba ku toto
Baban gada-gada ya wafto
Haurobiyawa a halarto
Kowa ya karanto
Kura ce aka kwanto
bauna ma tai kwanto
Baba ban da ambato
