Watakila dan kwallon tsakiya na kulob din Arsenal da ke Ingila Aaron Ramsey ba zai samu damar yin wasa a tsakanin kulob dinsa da na Manchester City a gasar rukunin Premier na Ingila a gobe Asabar ba saboda raunin da ya samu.
Kocin Wales Chris Coleman ne ya sanar da jin ciwon dan kwallon a wasan da kasar Wales ta buga da ta Andorra a gasar neman zuwa gasar cin kofin Nahiyar Turai Euro 2016 da kasashen biyu suka yi a ranar Talatar da ta wuce.
Wales ce ta samu nasara a wasan da ci 2-1 kuma dan kwallon Real Madrid Gareth Bale ne ya zura kwallayen biyu.
Wannan shi ne karo na 44 da Andorra take yin wasa a jere ba tare da ta samu nasara ba kuma shi ne karon farko da ta jefa kwallo daya a raga a dukkan wasannin.
