Tsohon mamba a Majalisar Wakilai mai wakiltar mazabar Fagge daga jihar Kano, Hon. Danlami Hamza ya rasu.
Ya rasu da yammacin ranar Lahadi a cibiyar killace masu dauke da cutar Coronavirus ta Kwanar Dawaki a jihar Kano.
- Gawuna ya wakilci gwamnatin Kano wurin yi wa Kwankwaso ta’aziyya
- ‘Yan bindiga sun kashe mutum 5 a Jihar Binuwai
Tuni aka yi jana’izarsa cikin motar asibiti a unguwar su ta Fagge dake cikin birnin Kano.
Kafin rasuwar sa, ya taba zama dan Majalisar Tarayya mai wakiltar Fagge daga shekarar 1999 zuwa 2011 karkashin tsohuwar Jam’iyyar ANPP.
Cincirindon mutane daga sassa da dama na Kano ne suka halarci jana’izar mamacin da aka yi da yammacin Lahadi.
