Tsagin tsohon Gwamnan Jihar Kano, Malam Ibrahim Shekarau, ya zabi Ahmadu Haruna Danzago a matsayin sabon shugaban jam’iyyar APC na jihar.
Bayanai sun ce tsagin ya gudanar da zaben ne a wani wuri a Unguwar Janguza da ke Karamar Hukumar Tofa ta jihar.
- Siyasar Kano: Taron Shekarau da wasu jiga-jigan APC ya tada kura
- ‘Yadda tsoffin janar-janar suke juya siyasar Najeriya ta bayan fage’
Hakan dai na zuwa ne bayan da tsagin Gwamna Abdullahi Umar Ganduje, ya zabi Abdullahi Abbas a matsayin shugaban jam’iyyar APC na jihar.
Wannan lamari dai ya sake tabbatar da barakar da ta mamaye ’ya’yan jam’iyyar APC a Jihar Kano.
