A ranar Talata mai zuwa idan Allah Ya kaimu za a cigaba da buga gasar cin kofin kulob-kulob na Turai watau UEFA Champions League bayan an shafe fiye da wata biyu ana hutu.
Za a cigaba da gasar ce a matakin zagaye na biyu kamar yadda jadawalin Gasar ya nuna.
kungiyoyin kwallon kafa guda goma sha shida ne za su fafata a tsakaninsu inda ake sa ran takwas daga ciki za su haye matakin kusa da na karshe watau Kwata-Fainal.
kungiyar kwallon kafa ta Bayern Munich da ke Jamus ce take rike da kofin a halin yanzu kuma tana daga cikin kungiyoyin da suka kai wannan mataki. Idan ta samu nasarar sake lashe kofin a bana, za ta kafa sabon tarihi na kulob din da ya lashe kofin a jere.
Ana sa ran gidajen kallon kwallo da ke kasar nan za su rka cika don kashe kwarkwatar ido kamar yadda aka saba a kowane lokaci idan gasar na gudana.
