Sojojin rundunar Operation Hadin Kai da ke yankin Arewa maso Gabas sun kashe ’yan ta’addar Boko Haram uku a wani harin kwantan bauna da suka kai.
Wani rahoto ya bayyana cewa sojojin tare da rundunar hadin gwiwa ta Civilian Task Force sun yi wa ’yan ta’addar kwanton bauna ne a yankin Karamar Hukumar Gubio ta Jihar Borno.
- An kama Kwamandan NSCDC kan damfarar masu sayen filaye a Abuja
- Harin sojoji ta sama ya kashe ’yan ta’adda 82 a Zamfara
Wani jami’in leken asiri, ya shaida wa Zagazola Makama, masani kan yaki da ta’addanci kuma mai sharhi kan harkokin tsaro a yankin Tafkin Chadi cewa, an yi wa wasu ’yan ta’addan Boko Haram kwanton bauna, wadanda suka addabi al’umma tare da sace dabbobinsu zuwa ga Taunin Mandara a Gwoza.
Majiyar ta ce sojojin sun kashe uku daga cikin ’yan ta’addan na Boko Haram tare da kwato bindigogi kirar AK 47 guda biyu da Babur daya da sauran kayayyaki.
